Aliw-iw
Humahagibis ang sasakyan palabas sa kumikislap, maalinsangang lansangan. Umalimbukay ang alikabok na tumakip sa nakaraan, at pumasok sa aking guniguni ang iyong lastag, mamula-mulang talampakan. Sinundan ko ang bakás ng mga paa sa kung anong katwiran, lumundag-lundag sa gusot-gusot na palaisipan, saka nang mapaluhod at magutom ay pusong mamon ng birheng matimtiman ang nalasap nang taliwas sa inaasahan.
Tulang tuluyan ni Roberto T. Añonuevo. 18 Nobyembre 2009.
Filed under: tula,Tulang Tuluyan Minarkahan: | bakas,gunita,lansangan,mamon,sasakyan,tula,Tulang Tuluyan
Napakalalim na tula, napakahusay at nakakahamong unawain…