Alamat ni Tungkung Langit

Ipinaskil noong 01/29/2009 ni Roberto Añonuevo

Hindi makapaniwala ang mga tao noon na wala naman talagang langit at lupa. Ako, si Alunsina, at ang asawa kong si Tungkung Langit ang pinagmulan ng lahat ng bagay. Kaming dalawa lamang ang pinag-ugatan ng buhay. Mula sa kaibuturan ng kawalan, itinakda ng aming kasaysayan ang paglitaw ng daigdig ng mga tao.

Nabighani si Tungkung Langit nang una niya akong makita. Katunayan, niligawan niya ako nang napakatagal, sintagal ng pagkakabuo ng tila walang katapusang kalawakan na inyong tinitingala tuwing gabi. At paanong hindi mapaiibig si Tungkung Langit sa akin? Mahahaba’t mala-sutla ang buhok kong itim. Malantik ang aking balakang at balingkinitan ang mahalimuyak na katawan. Higit sa lahat, matalas ang aking isip na tumutugma lamang sa gaya ng isip ni Tungkung Langit.

Kaya sinikap ng aking matipuno’t makapangyarihang kabiyak na dalhin ako doon sa pook na walang humpay ang pag-agos ng dalisay, maligamgam na tubigan. Malimit kong marinig ang saluysoy ng tubig, na siya ko namang sinasabayan sa paghimig ng maririkit na awit. Napapatigalgal si Tungkung Langit tuwing maririnig ang aking tinig. “Alunsina,” aniya, “ikaw ang iibigin ko saan man ako sumapit!” Pinaniwalaan ko ang kaniyang sinambit. At ang malamig na simoy sa paligid ang lalo yatang nagpapainit ng aming dibdib kapag kami’y nagniniig.

Napakasipag ng aking kabiyak. Umaapaw ang pag-ibig niya; at iyon ang aking nadama, nang sikapin niyang itakda ang kaayusan sa daloy ng mga bagay at buhay sa buong kalawakan.

Iniatang niya sa kaniyang balikat ang karaniwang daloy ng hangin, apoy, lupa, at tubig. Samantala’y malimit akong maiwan sa aming tahanan, na siya ko namang kinayamutan. Bagaman inaaliw ko ang sarili sa paghabi ng mga karunungang ipamamana sa aming magiging anak, hindi mawala sa aking kalooban ang pagkainip. Wari ko, napakahaba ang buong maghapon kung naroroon lamang ako’t namimintana sa napakalaki naming bahay.

Madalas akong gumawi sa aming pasigan, at manalamin sa malinaw na tubig habang sinusuklay ang mababangong buhok. Ngunit tuwing tititig ako sa tubig, ang nakikita ko’y hindi ang sarili kundi ang minamahal na si Tungkung Langit.

Sabihin nang natutuhan ko kung paano mabagabag. Ibig kong tulungan ang aking kabiyak sa kaniyang mabibigat na gawain. Halimbawa, kung paano itatakda ang hihip ng hangin. O kung paano mapasisiklab ang apoy sa napakabilis na paraan. O kung paano gagawing malusog ang mga lupain upang mapasupling nang mabilis ang mga pananim. Ngunit ano man ang aking naisin ay hindi ko maisakatuparan. Tumatanggi ang aking mahal. “Dito ka na lamang sa ating tahanan, Alunsina, di ko nais na makita kang nagpapakapagod!”

Tuwing naririnig ko ang gayong payo ni Tungkung Langit, hindi ko mapigil ang maghinanakit. Kaparis ko rin naman siyang bathala, bathala na may angkin ding kapangyarihan at dunong. Tila nagtutukop siya ng mga tainga upang hindi na marinig ang aking pagpupumilit. Nagdulot iyon ng aming pagtatalo. Ibig kong maging makabuluhan ang pag-iral. At ang pag-iral na yaon ang sinasagkaan ng aking pinakamamahal.

Araw-araw, lalong nagiging abala si Tungkung Langit sa kaniyang paggawa ng kung ano-anong bagay. Makikita ko na lamang siyang umaalis sa aming tahanan nang napakaaga, kunot ang noo, at tila laging malayo ang iniisip. Aaluin ko siya at pipisilin naman niya ang aking mga palad . “Mahal kong Alunsina, kapag natapos ko na ang lahat ay wala ka nang hahanapin pa!” At malimit nagbabalik lamang siya kapag malalim na ang gabi.

Sa mga sandaling yaon, hindi ko mapigil ang aking mga luha na pumatak; napapakagat-labi na lamang ako habang may pumipitlag sa aking kalooban.

Dumating ang yugtong nagpaalam ang aking kabiyak. “Alunsina, may mahalaga akong gawaing kailangang matapos,” ani Tungkung Langit. “Huwag mo na akong hintayin ngayong gabi’t maaga kang matulog. Magpahinga ka. Magbabalik din agad ako. . . .” May bahid ng pagmamadali ang tinig ng aking minamahal. Lingid sa kaniya, nagsisimula nang mamuo sa aking kalooban ang matinding paninibugho sa kaniyang ginagawa. Umalis nga si Tungkung Langit at nagtungo kung saan. Subalit pinatititikan ko siya sa dayaray upang mabatid ang kaniyang paroroonan. Ibig ko siyang sundan.

Natunugan ni Tungkung Langit ang aking ginawa. Nagalit siya sa dayaray at ang dayaray ay isinumpa niyang paulit-ulit na hihihip sa dalampasigan upang ipagunita ang pagsunod niya sa nasabing bathala. Samantala, nagdulot din yaon ng mainit na pagtatalo sa panig naming dalawa.

“Ano ba naman ang dapat mong ipanibugho, Alunsina?” asik ni Tungkung Langit sa akin. “Ang ginagawa ko’y para mapabuti ang daloy ng aking mga nilikha sa daigdig ng mga tao!” Napoot ang aking kabiyak sa akin. Nakita ko sa kaniyang mga mata ang paglalagablab, at lumalabas sa kaniyang bibig ang usok ng pagkapoot. Dahil sa nangyari, inagaw niya sa akin ang kapangyarihan ko. Ipinagtabuyan niya ako palabas sa aming tahanan.

Oo, nilisan ko ang aming bahay nang walang taglay na anumang mahalagang bagay. Nang lumabas ako sa pintuan, hindi na muli akong lumingon nang hindi ko makita ang bathalang inibig ko noong una pa man. Hubad ako nang una niyang makita. Hubad di ako nang kami’y maghiwalay.

Alam kong nagkamali ng pasiya si Tungkung Langit na hiwalayan ako. Mula noon, nabalitaan ko na lamang na pinananabikan niya ang paghihintay ko sa kaniya kahit sa gitna ng magdamag; hinahanap niya ang aking maiinit na halik at yakap; pinapangarap niyang muling marinig ang aking matarling na tinig; inaasam-asam niya na muli akong magbabalik sa kaniyang piling sa paniniwalang ibig kong makamit muli ang kapangyarihang inagaw niya sa akin. Ngunit hindi.

Hindi ko kailangan ang aking kapangyarihan kung ang kapangyarihan ay hindi mo rin naman magagamit. Hindi ko kailangan ang kapangyarihan kung magiging katumbas iyon ng pagkabilanggo sa loob ng bahay at paglimot sa sariling pag-iral.

Ipinaabot sa akin ng dayaray ang naganap sa dati naming tahanan ni Tungkung Langit. Sinlamig ng bato ang buong paligid. Pumusyaw ang dating matitingkad na palamuti sa aming bahay. Lumungkot nang lumungkot si Tungkung Langit at laging mainit ang ulo. “Mabuti naman,” sabi ko sa dayaray. “Ngayon, matututo rin si Tungkung Langit na magpahalaga sa kahit na munting bagay.”

Umaalingawngaw ang tinig ni Tungkung Langit at inaamo ako dito sa aking bagong pinaghihimpilan upang ako’y magbalik sa kaniya. Ayoko. Ayoko nang magbalik pa sa kaniya. Kahit malawak ang puwang sa aming pagitan, nadarama ko ang kaniyang paghikbi. Oo, nadarama ko ang kaniyang pighati. Lumipas ang panahon at patuloy niya akong hinanap. Ngunit nanatili siyang bigo.

Ang kaniyang pagkabigo na mapanumbalik ang aking pagmamahal ay higit niyang dinamdam. Nagdulot din yaon sa kaniya upang lalong maging malikhain sa paghahanap. Akala niya’y maaakit ako sa kaniyang gawi. Habang nakasakay sa ulap, naisip niyang lumikha ng malalawak na karagatan upang maging salamin ko. Hindi ba, aniya, mahilig si Alunsina na manalamin sa gilid ng aming sapa? Nababaliw si Tungkung Langit. Hind gayon kababaw ang aking katauhang mabilis maaakit sa karagatan.

Pumaloob din si Tungkung Langit sa daigdig na nilikha niya na laan lamang sa mga tao. Naghasik siya ng mga buto at nagpasupling ng napakaraming halaman, damo, palumpong, baging, at punongkahoy. “Marahil, maiibigan ito ni Alunsina,” ang tila narinig kong sinabi niya. Gayunman, muli siyang nabigo dahil hindi ako nagbalik sa kaniyang piling.

Humanap pa ng mga paraan ang dati kong kabiyak upang paamuin ako. Halimbawa, kinuha niya sa dati naming silid ang mga nilikha kong alahas. Ipinukol niya lahat ang mga alahas sa kalawakan upang masilayan ko. Naging buwan ang dati kong ginintuang suklay; naghunos na mga bituin ang mga hiyas ko’t mutya; at naging araw ang ginawa kong pamutong sa ulo. Kahit ano pa ang gawin ni Tungkung Langit, hindi na muli akong nagbalik sa kaniyang piling.

Namighati siya. At nadama niya kung paanong mamuhay nang mag-isa, gaya lamang ng naganap sa akin dati doon sa aming tirahan. Lumuha nang lumuha si Tungkung Langit, at ang kaniyang pagluha ay nagdulot sa unang pagkakataon ng pag-ulan. Kapag siya’y humahagulgol, nagbubunga yaon ng malalakas na pagkulog at pagkidlat. May panahong tumitindi ang kaniyang pighati, kaya huwag kayong magtaka kung bakit umuulan. Ang mga luha ni Tungkung Langit ang huhugas sa akin, at sa aking kumakawag na supling.

[Hango sa mito ng Hiligaynon at Waray,  at muling isinalaysay ni Roberto T. Añonuevo]

About these ads

Filed under: alamat,kuwentong pambata Minarkahan: | ,,,,,,,,,

« »

79 Tugon

  1. sandi martin, on 01/29/2009 at 19:14 said:

    napakaganda! isa itong istorya na dapat nating ingatan mga filipino :)

    Tugon
  2. Dino, on 03/09/2010 at 16:57 said:

    Siguro napagod na sa kaiiyak si Tungkung Langit, sa init ng panahon ngayong tag-init. Masaya at nananabik siya sa dami ng maaaring gawin ngayong palapit na ang bakasyon. Sa magdamag, malilimutan niya siguro si Alunsina, bulag na bulag sa kanyang kaakit-akit na mukha’t pamutong sa ulo na pinagmumulan ng init na tinatamasa. Hanggang sa matauhan sa muling pagbalik ng tag-ulan.

    Tugon
  3. mori, on 05/12/2010 at 10:41 said:

    ganda, literature subject ko ngayon e.

    Tugon
  4. jenny, on 11/20/2011 at 22:14 said:

    feminismo.

    Tugon
  5. brendon, on 07/01/2012 at 16:55 said:

    pwede bang paiksihin ang story

    Tugon
    • Roberto Añonuevo, on 07/02/2012 at 09:38 said:

      Hindi puwede.

      Tugon
  6. ronalyn c. cadarit, on 07/04/2012 at 19:54 said:

    hai,, nku kahirap amn yun pero dpat happy ending,,,,,,,,,,,,,,,,, happy ata ang ending k ehhhhhhhhhh,,,,,

    Tugon
  7. ronalyn c. cadarit, on 07/04/2012 at 20:04 said:

    hai,, sinalaysay p pla ng kamag anakan k kaapilyedo n papa,,,,,,,,,,,,,,,,wow !!!!! galing ahhhhhhhhhhhhhhhhh,,,,

    Tugon
  8. margail nueque, on 07/06/2012 at 19:39 said:

    Ito po ba ang tunay na alamat kung bakit umuulan ibig sabihin hangggang ngaun umiiyak parin c tungkung langit
    bat ung ibang story may happy ending ito hindi?

    Tugon
    • Roberto Añonuevo, on 07/09/2012 at 11:32 said:

      Hindi naman lahat ng kuwento ay masaya ang wakas. Ang nabasa mong kuwento ay muling pagsasalaysaya sa ibang anggulo, na hindi mo mababasa sa ibang kuwento.

      Tugon
      • Jhensan, on 07/10/2012 at 15:38 said:

        tama! ikaw po ba talga ang may gawa nyan

      • Roberto Añonuevo, on 07/11/2012 at 08:20 said:

        Ano ang sa palagay mo?

  9. margail nueque, on 07/06/2012 at 20:20 said:

    Isa pa nga pong kwento btin eh………..
    pls. Na mahilig lang akong magbasa dag dag sa collection q.,………………

    Tugon
  10. erolin, on 07/09/2012 at 21:38 said:

    swana ay magbalikan sila ulet ni tungkung langit

    Tugon
    • omiz jan pocong, on 10/08/2012 at 19:35 said:

      ilove this very much…..nang nagkwento ang teacher ko nito at pagkatapos…….nagtest kami at alam mo ba kung anong nangyari?na perfect ko ang test yahoooooo…..

      Tugon
  11. Jhensan, on 07/10/2012 at 15:41 said:

    i very love this kwento

    Tugon
  12. Caryl Lozaldo Quiachon, on 07/10/2012 at 18:30 said:

    Nakakalungkot ang wakas ng kwento!Sana pinayagan na lang ni Tungkung Langit si Alunsina na lumikha ng mga bagay.Hindi sana sila naghiwalay.

    Tugon
    • Marian Lalaine, on 07/12/2012 at 20:11 said:

      hehehe .. caryl ..:)

      Tugon
  13. princess irish, on 07/11/2012 at 08:07 said:

    hay add ninyo ako guys…. at sana magbalikan na nga si tungkong langit at si alunsina……

    Tugon
  14. bhoxzs R ones, on 07/11/2012 at 15:29 said:

    magandang kwento maraming matutunang aral ………….lalo sa mga nag iibigan o sa makatuwid nag mamahalan ng lubos isa tong halimbawa sa mga nakabasa nito

    Tugon
  15. Denise Sabio, on 07/11/2012 at 21:04 said:

    Ano ang mensaheng nais iparating?

    Tugon
    • Roberto Añonuevo, on 07/11/2012 at 21:50 said:

      Marami ang puwedeng ipakahulugan sa akda, gaya sa relasyon ng magkabiyak, konsepto ng trabaho, pagpapahalaga sa indibidwal na kalayaan, atbp. Depende na iyan sa tumitingin.

      Tugon
  16. marianne encinarez, on 07/12/2012 at 13:30 said:

    bakit po ”ang alamat ni tungkong langit ang pamagat nyan”?

    Tugon
    • Roberto Añonuevo, on 07/12/2012 at 13:39 said:

      Sapagkat iyan ay tungkol kay Tungkong Langit.

      Tugon
  17. ariel, on 07/12/2012 at 19:41 said:

    subrang gnda nang kwent2 na t2…!1

    Tugon
  18. kholine alminiana, on 07/12/2012 at 20:59 said:

    bakit po ”ang alamat ni tungkung langit” ang naging pamagat nito samantala ang asawa nya ang nagdidiscribe kay tungkung langit?

    Tugon
    • Roberto Añonuevo, on 07/12/2012 at 22:18 said:

      Ang pagsasalaysay ay hindi laging nasa pananaw ng pangunahing tauhan. Maaaring gumamit ng ibang tinig, at gaya sa nasabing alamat, ang tinig na ginamit ay mula kay Alunsina. Hindi ba maganda kung sa perspektiba ng babae ipakikilala ang isang lalaki?

      Tugon
  19. Patricia Joice, on 07/13/2012 at 18:30 said:

    Nakakaiyak tlaga ang story about Tungkung Langit and Alusina.I’m so touched :) )

    Tugon
  20. precious compio, on 07/15/2012 at 19:09 said:

    bakit alamat ni tungkung langit ang pamagat, ehh hindi naman tungkol kay tungkong langit ang istorya?

    Tugon
    • Roberto Añonuevo, on 07/16/2012 at 10:36 said:

      Nasagot ko na iyan.

      Tugon
  21. Carl Verano, on 07/15/2012 at 21:03 said:

    sarap

    Tugon
    • Danielle James Tolentino Pili, on 07/16/2012 at 21:34 said:

      gling!
      ipag patuloy pa yan upang umasenso

      Tugon
  22. Jolene Magno, on 07/16/2012 at 19:04 said:

    Totoo p0 ba yan ?

    Tugon
  23. jhewel, on 07/16/2012 at 20:01 said:

    buti meron d2 alamt ni tunkung langit
    mamatxsz poh !!!!!!!!!!!!!

    Tugon
  24. lorenzo cruz, on 07/16/2012 at 22:11 said:

    ano ang kahulugan ng dayaray at naghunos?

    Tugon
  25. harlyne, on 07/19/2012 at 10:49 said:

    wat a beautiful story but we need to know the truth na ang Diyos ang mai likha ng lahat ..ayon xa Bible !! at nilikha niya yun za loob ng isang linggo den xaqa xa nagpahinga sa iqa pitong linggo..

    Tugon
    • Roberto Añonuevo, on 07/23/2012 at 16:03 said:

      Walang may monopolyo ng katotohanan, wika nga ni Rio Alma.

      Tugon
  26. beverly caunca, on 07/19/2012 at 20:57 said:

    bakit po dalawa ang ginawa nyong kwento
    e iisa lang pala iyon?

    Tugon
    • Roberto Añonuevo, on 07/23/2012 at 16:02 said:

      Iisa lang ang ginawa ko.

      Tugon
  27. joshra c. del valle, on 07/20/2012 at 09:25 said:

    ano kya ung alternative ending nito?

    Tugon
    • Roberto Añonuevo, on 07/23/2012 at 16:01 said:

      Malaya kang umisip kung ano ang nais mong wakas ng akda.

      Tugon
  28. margail nueque, on 07/22/2012 at 16:23 said:

    Ano po ba ang pwedeng mangyari kung babalik c alunsina kay tungkung langit

    Tugon
    • Roberto Añonuevo, on 07/23/2012 at 16:01 said:

      Hindi ko alam. At maaaring kang manghula, dahil walang maling sagot sa iyong tanong.

      Tugon
  29. ana, on 07/23/2012 at 14:47 said:

    dapat naging masaya silang dalawa .sana pinayagan nalang ni tngkung langit s alunsina para happy ever after………

    Tugon
  30. Chrizz, on 07/23/2012 at 19:25 said:

    Ikaw po ba ung gumawa nito??

    Tugon
    • Roberto Añonuevo, on 07/23/2012 at 23:18 said:

      Oo, at halaw ko iyan sa mga naunang alamat.

      Tugon
  31. nichell, on 07/23/2012 at 20:49 said:

    ang panget nag gumawa i close na yung web nito panget

    Tugon
  32. arlene, on 07/24/2012 at 17:38 said:

    ang ganda ng kwento mula hanggang kataposan.

    Tugon
  33. chendar balicoco, on 07/24/2012 at 21:14 said:

    nsan kaya c alunsina ngaun?

    Tugon
  34. JHOY, on 07/25/2012 at 20:34 said:

    WOW.. GRABE D2 KOLANG NAHAHANAP MGA ASSIGNMENT KO SA (GRADE 7 FILIPINO )

    Tugon
  35. crystal, on 07/26/2012 at 21:50 said:

    maganda ang kwento at ayon d2 si alunsina ang pinaka main character bkit po tungkung langit ang pamagat ni2??? pinag aralan p kac nmin ito…>>> repzz

    Tugon
  36. don carlo g. privado, on 07/27/2012 at 14:14 said:

    yun!!!! may ass… na ako….

    Tugon
  37. dina, on 07/29/2012 at 21:03 said:

    may tanong po ako pakiusap pki sagot takdang aralin po ng anak ko hirap eh..asap…ano ang kahulugan ng mga sumusunod:
    napapatigalgal
    pasigan
    sinasagkaan
    dayaray
    naghunos
    K, hintay ko po salamat:)

    Tugon
    • Roberto Añonuevo, on 08/01/2012 at 11:08 said:

      Pakisabi sa anak mo na matutong gumamit ng diksiyonaryo, gaya ng UP Diksiyonaryong Filipino. Naroon ang mga salitang hinahanap mo.

      Tugon
      • carmina, on 08/30/2012 at 19:00 said:

        Tama po ba yung mga kahulugang nailagay ko sa mga sumusunod na salita?
        1. napapatigalgal -napapahinto
        2. pasigan – dalampasigan
        3. sinasagkaan – pinipigilan
        4. dayaray – hangin
        5. naghunos – nagsabog

        Paki-confirm naman po kung tama o kung may mali po, pakitama, di ko po kasi makita sa internet yung kahulugan e, saka wala po ako nung UP Diksiyonaryong Filipino. Salamat po.

      • Roberto Añonuevo, on 09/02/2012 at 17:15 said:

        Tama ang 2-3, ngunit ang “tigagál” ay katumbas ng “balisa” o di-mapakali. Ang dayaray ay banayad na hanging nagmumula sa dagat; at ang “naghunos” ay katumbas ng pagpapalit ng balát, o pagbabagong anyo.

  38. dina, on 07/29/2012 at 21:35 said:

    meron puba ng pangalawang markahan?

    Tugon
  39. angelle, on 07/30/2012 at 19:46 said:

    salamat at nasagot ko na ang aking takda

    Tugon
  40. Sharon, on 07/31/2012 at 13:07 said:

    Para sa akin npakaganda ng kwento kasi puno ng aral at may matututunan ka talagang leksiyon.

    Tugon
  41. 09083055274superghurl, on 07/31/2012 at 16:30 said:

    ang ganda ng story

    Tugon
  42. ayah a saltik, on 07/31/2012 at 20:18 said:

    miss na miss na ni tungtung langit c alunsina

    Tugon
  43. maria mae advincula, on 08/05/2012 at 21:54 said:

    parang stair away to heaven

    Tugon
  44. maria mae advincula, on 08/05/2012 at 22:14 said:

    kung gagawing happy ending , baka di nagkaroon ng ulan kaya tama lamang ang pakakagawa.

    Tugon
  45. Emorej Bhosxz, on 08/06/2012 at 12:50 said:

    tanong ko lang paano kung s alunsila ang umiyak ano kaya ang magyayari sa ulan??

    Tugon
    • Roberto Añonuevo, on 08/09/2012 at 10:06 said:

      Baka walang ulan, dahil wala naman siyang kapangyarihan.

      Tugon
  46. loella lebumfacil marfil, on 08/12/2012 at 19:23 said:

    jejejeh meron kmi sa batikan nian eh

    Tugon
  47. loella lebumfacil marfil, on 08/12/2012 at 19:27 said:

    pinag aaralan namin yan sa filipino ngaun

    Tugon
  48. gebby, on 08/13/2012 at 19:50 said:

    ano po ba ang magandang aral na aming makukuha

    Tugon
    • Roberto Añonuevo, on 08/27/2012 at 14:34 said:

      Magbasa ka at mag-isip at malalaman mo ang aral.

      Tugon
  49. veronica, on 08/21/2012 at 12:29 said:

    ayos

    Tugon
  50. gemma, on 08/21/2012 at 12:44 said:

    pinag aaralan namin yn sa school………….:))

    Tugon
  51. Angel Tolentino, on 08/22/2012 at 19:30 said:

    hmmmm may ass. ako sa filipino na masugot mo ba ito? marami kasi ey hindi ko masagot paki sagot plssssss asap :) kasi bukas na ang filipino ko :(

    kahulugan ng
    napapatigalgal
    pasisan
    sinasagkaan
    dayaray
    naghugos

    wala kasi sa diksyonaryo ]\ :(

    Tugon
  52. graceypaulixz jaropay, on 08/24/2012 at 16:23 said:

    may karapatan si alunsina na lumikha dahil siya ay isa ring diyosa katulad din ni tungkung langit

    Tugon
  53. Yalee, on 08/27/2012 at 10:31 said:

    wala po bang summary nyan?

    Tugon
  54. carmina, on 08/30/2012 at 19:03 said:

    Bakit daw po Tungkung Langit ang pangalan ni Tungkung Langit sa kwento? Salamat po.

    Tugon
    • Roberto Añonuevo, on 09/02/2012 at 17:09 said:

      Hindi ko alam.

      Tugon
  55. Shelumiel, on 09/06/2012 at 06:03 said:

    ano po bang klaseng relasyon ang mayroon sila

    Tugon
    • Roberto Añonuevo, on 09/07/2012 at 09:19 said:

      Parang mag-asawa

      Tugon
  56. Gwyneth Anne Fukushima, on 09/23/2012 at 10:14 said:

    this story is good but long at meron pang music ha! bongga!

    Tugon

Mag-iwan ng Tugon

Fill in your details below or click an icon to log in:

Gravatar
WordPress.com Logo

You are commenting using your WordPress.com account. ( Log Out / Palitan )

Twitter picture

You are commenting using your Twitter account. ( Log Out / Palitan )

Facebook photo

You are commenting using your Facebook account. ( Log Out / Palitan )

Bawiin

Connecting to %s

Follow

Get every new post delivered to your Inbox.

Join 117 other followers

%d bloggers like this: