Mga puna sa: Ang Mundong Ito, ayon kay Edgardo M. Reyes

Ni: Roberto Añonuevo

Roberto Añonuevo — Sat, 11 Feb 2012 05:33:15 +0000

Kahit anong teorya ay magagamit na lente sa pagsusuri ng nobela ni Edgardo Reyes. Kung ang nobela, halimbawa ay may pagdulog na realista, maaaring gumamit ng teoryang sumusuhay dito. Maaaring gamitin din ang pananaw na Marxista na may kiling sa feministang pagdulog, kung ipagpapalagay na ang lipunan ay napaiikot ng mga puwersang may kontrol sa produksiyon, sex, at paggawa.

Sa madali’t salita, ang teorya ay isang kasangkapan lamang ng pagtanaw upang maunawaan ang salimuot ng nobela.

Ni: rotsen

rotsen — Fri, 10 Feb 2012 11:14:12 +0000

anong teorya ang pinaka akmang ilapat sa nobelang “ang mundong ito’y lupa”?

Ni: Carlo Jerusalem

Carlo Jerusalem — Fri, 11 Feb 2011 12:33:01 +0000

Ang kwentong ito ay napaka ganda kung ito iyong uunawain at isasa isip mabuti. Ang kwentong ito ay maraming papupulot na aral. lalo na sa panahon ngayun maraming kabataan ang napupunta sa maling daan

Ni: Jun Panganiban Austria

Jun Panganiban Austria — Thu, 16 Dec 2010 06:33:53 +0000

Mainam at nabasa ko ang mga [komentaryo] sa nobela ni EMR dito sa Alimbukad. Nagkaroon ako ng dahilan para magbasa ng kanyang obra. Huli kong nabasa ay ang ETSA-PUWERA ni EMR na mahaba rin ngunit nakaaaliw basahin.

Plano kong bumili ng nobela at saka ko babalikan ang mga pagpuna dito.

Ni: alfred ingaran

alfred ingaran — Mon, 04 Oct 2010 09:54:58 +0000

Sa mga mambabasa na hindi nakakaunawa ng sining ng nobela at maikling kwento ay talagang lalabas na “mababaw ” o nakababato ang nobelang Ang Mundong ito ay Lupa ni emr.

Ang paggamit ng mga “pahiwatig” sa pagsulat ng akda ay nangangahulugan lamang na hindi na kailangang banggitin sa mga mababasa ang kalalabasan ng mangyayari sa kwento. Kalokohang sabihin pa ang kinalabasan ng nangyari sa isang trahedyang tumalon sa ikawalong palapag ang isang tao. Alam na natin kung ano ang kinalabasan ng kanyang pagpapatiwakal.

Makikita sa mga akda ni EMR na likas sa kanyang istilo ang paggamit ng “pahiwatig”. Gaya ng nasusulat sa katapusan ng kanyang mga nobelang Sa mga KUko ng Liwanag at Laro sa Baga. Sa una, hindi naman nabanggit na namatay si Julio, sapat nang gamitin ang mga katagang “nagliparan sa hangin ang mga sandata at sa lupa ay nagsipagsayaw ang mga anino”. Sa nobelang Laro sa Baga, mababasang ang mga huling linya ay ganito: “nagmamadali siya gayong walang tiyak ang kanyang pupuntahan”.

Tapos na ang panahon ng matanda ang kinaugaliang istilo ng pagsulat na kung saan ay sa pamagat pa lamang at sa iilang hagod ng salita ay malalaman mo na ang magiging wakas ng kwento. Parang teleseryeng hindi pa man nagsasalita ang tauhan ay alam na ng manonood ang kanyang katagang bibitiwan.

I[agpaumanhin ninyo, ginoong Galletas, este Galletes na sa pagkakaalam ko ay hindi minadali ang pagkakatapos sa nobelang. Marahil ay kailangan lamang ng malalim na pag-unawa sa nilalaman ng nobela.

Ni: me

me — Wed, 10 Mar 2010 14:32:29 +0000

maganda ang nobela, ngunit marami itong paliguy ligoy kaya napakahirap igawa ng buod. pero napakaganda nitong nobela.

Ni: Felicisimo Galletes, Jr.

Felicisimo Galletes, Jr. — Sun, 14 Feb 2010 11:43:38 +0000

Ang masasabi ko lang, parang bitin ang wakas ng nobela. Mukhang minadali na lang at tinapos ng basta-basta na lamang.
pero sa kabuuan, masasabi kong tama ang komentaryo sa itaas, nakababato nga at malaswa kahit tingnan saanmang anggulo.

Ni: ramil guarino

ramil guarino — Wed, 27 Jan 2010 04:23:07 +0000

isa sa mga premyadong obra maestra ni edgardo m. reyes ang nobelang ang mundong ito ay lupa na tiyak na kapupulutan ng aral. wari’y isinabuhay ang mga pangyayari na sadya namang nagaganap sa totoong buhay..

Ni: alred ingaran

alred ingaran — Wed, 06 Jan 2010 22:55:18 +0000

May kanya-kanyang hagod sa pagsulat ang mga manunulat depende sa paksang nais sulatin. Gayundin naman ang mga mambabasa. Sa tagal na panahong sinusubaybayan ko ang mga likha ni Reyes ay masasabi kong isang banyuhay ang kanyang paraan ng pagsulat. hindi siya mahilig maglagi sa kinaugaliang kultura sa halip ay humahahanap siya ng paraan kung paanong ang kanyang mga akda ay magkakaroon ng iba’t ibang larawan.

Yan ang hindi batid ng nakararami. Na si EMR ay isang manunulat na kayang maglaro sa sa iba’t-ibang anggulo at paraan ng pagsusulat.

Marahil, sapat nang sabihin na ang mga pumupula sa kanya, bagamat nakauunawa ng wikang Filipino ay hindi kayang abutin ng isip ang kanyang mga katha.

Ni: Maryelle D. Cruz

Maryelle D. Cruz — Mon, 04 Jan 2010 15:48:24 +0000

Sa bagong mambabasa, nakababato ang nobela ngunit mapapahanga sa huli. Ngunit para sa mga mahuhusay at hasa na, maaari ngang batuhin ang naturang aklat. Subalit kahit gayon, saludo ako sa’yo EMR.